തോമസ് ഹാര്‍ഡിയുടെ വെസ്സക്സിലൂടെ

തോമസ് ഹാര്‍ഡിയുടെ വെസ്സക്സിലൂടെ

1960-61 കാലത്ത് ചങ്ങനാശ്ശേരി എസ്.ബി കോളേജില്‍
പ്രീഫ്രൊഫഷണല്‍ ക്ലാസ്സില്‍ പഠിക്കാനുണ്ടായിരുന്ന നോവല്‍
തോമസ് ഹാര്‍ഡിയുടെ അണ്ടര്‍ ദ ഗ്രീവ് വുഡ് ട്രീ.എന്‍.എസ്സ്.
എസ്സ് കോളേജില്‍ ബി.എസ്സിക്കു പഠിച്ചിരുന്ന സഹോദരിക്കു
പഠിക്കുവാനുണ്ടായിരുന്നത് ഹാര്‍ഡിയുടെ തന്നെ വുഡ്
ലണ്ടേര്‍സ്.അക്കാലം മുതല്‍ മനസ്സില്‍ മായാതെ നില്‍ക്കുന്നു
വെസ്സക്സ്.

ഇംഗ്ലണ്ടില്‍ ഹാര്‍ഡിയുടെ കാലത്ത് വെസ്സക്സ് എന്നൊരു ദേശം
ഉണ്ടായിരുന്നില്ല. ആര്‍.കെ.നാരായണന്‍ മാല്‍ഗുഡി എന്നൊരു
ഗ്രാമം സൃഷ്ടിച്ചത് പോലെ ഹാര്‍ഡി സൃഷ്ടിച്ച സാങ്കല്‍പ്പിക
ദേശമായിരുന്നു വെസ്സക്സ്. എന്നാല്‍ പിന്നീട് ആ പേര്‍ വ്യാപകമായി
മാര്‍ക്കറ്റ് ചെയ്യപ്പെട്ടു. ചാള്‍സ് ഡിക്കന്‍സ് കഴിഞ്ഞാല്‍ ഇംഗ്ലീഷ്
സാഹിത്യത്തിനു കിട്ടിയ ഏറ്റവും മഹാനായ നോവലിസ്റ്റ് ആണ്
കവി കൂടിയായ തോമസ് ഹാര്‍ഡി. ദേശവര്‍ണ്ണന ഇതു പോലെ
നടത്തിയ എഴുത്തുകാരില്ല എന്നു പറയാം.വാള്‍ട്ടര്‍ സ്കോട്ട്
വേവര്‍ ലി നോവലുകളിലും ജോര്‍ജ് എലിയട്ട് സിലാസ് മാര്‍നറിലും
എമിലി ബ്രോണ്ടി അവരുടെ നോവലുകളിലും പ്രകൃതിയെ
അവതരിപ്പിക്കുന്നുവെങ്കിലും അവര്‍ക്കൊന്നും ഹാര്‍ഡിയുടെ
അത്ര മികവു പ്രകൃതിയുടെ അവതരണത്തില്‍ കാട്ടാന്‍ കഴിഞ്ഞില്ല.
കവി കൂടിയായ ഹാര്‍ഡിയെ വെല്ലാന്‍ പ്രകൃതിഗായകരായ
വേര്‍ഡ്സ്വര്‍ത്ത്,കോളറിഡ്ജ്,ക്രാബെ എന്നീ കവികള്‍ക്കും
കഴിഞ്ഞില്ല.ഗ്രാമീണ പശ്ചാത്തലത്തില്‍ ജനിച്ച തികച്ചും നാട്ടിപുറം
കാരനായിരുന്നു ഹാര്‍ഡി.

ഫാര്‍ ഫ്രം മാഡിംഗ് ക്രൗഡ് എന്ന നോവലില്‍ ആണ് ആദ്യം വെസ്സക്സ്
ദേശം പ്രത്യ്ക്ഷപ്പെടുന്നത്.1874 ല്‍ ആണ് ഈ നോവല്‍ പ്രസിദ്ധീകരിക്കപ്പെടുന്നത്.
പിന്നെ 18 വര്‍ഷ്ക്കാലം ടെസ്സ് എന്ന നോവല്‍ വരെ ഹാര്‍ഡി വിവിധ
നോവലുകളില്‍ വെസ്സക്സ് പ്രദേശത്തെ കോറിയിട്ടു.1908 ല്‍ അന്നത്തെ
പ്രധാനമന്ത്രി ഹാര്‍ഡിയ്ക്ക് നൈറ്റ് പദവി നല്‍കാന്‍ തയ്യാറായി.ഹാര്‍ഡി
വാങ്ങിയില്ല.എന്നാല്‍ 1910 ല്‍ ഓര്‍ഡര്‍ ഓഫ് മെറിറ്റ് (O.M)സന്തോഷപൂര്‍വ്വം
വാങ്ങി.ഓക്സ്ഫോര്‍ഡ്,ബ്രിസ്റ്റോള്‍,അബര്‍ഡീന്‍ യൂണിവേര്‍സിറ്റികള്‍
അദ്ദേഹത്തിന് ഡോക്ക്ടറേറ്റ് നല്‍കി ആദരിച്ചു.നോബല്‍ സമ്മാനം
പോലും കിട്ടിയേക്കാം എന്ന നിലയില്‍ ഹാര്‍ഡി പ്രശസ്തനായി.

1928 ല്‍ ഹാ​ര്‍ഡിയുടെ ചിതാഭസമം വെസ്റ്റ്മിന്‍സ്റ്റര്‍ ദേവാലയത്തിലെ
പോയറ്റ് കോര്‍ണറില്‍ അടക്കുമ്പോള്‍ ബാരി,ഗാല്‍സ് വര്‍ത്തി,ഗോസ്സെ,
ഹൗസ്മാന്‍,കിപ്ലിംഗ്,ഷാ തുടങ്ങിയവരെല്ലാം ദൃക്സാക്ഷികളായി
അടുത്തു നിന്നു.അന്നു മുതല്‍ ഹാര്‍ഡിയുടെ സാഹിത്യനിലവാരം
ഉയര്‍ന്ന്‍ ഒളിമങ്ങാതെ നില്‍ക്കുന്നു.

ആന്‍ഗ്ലോ -സാക്സന്‍ ചരിത്രത്തില്‍ നിന്നാണ് വെസ്സക്സ് എന്ന ദേശനാമം
ഹാര്‍ഡി സ്വീകരിച്ചത്.വില്ല്യം ബാര്‍ണസ്സ് എന്ന കവി ഡോര്‍സെറ്റ് കവിതകളില്‍
ഈ ദേശനാമം നേരത്തെ തന്നെ ഉപയോഗിച്ചിരുന്നു എങ്കിലും അതത്ര പ്രസിദ്ധമായില്ല.
തന്‍റെ ജന്മനാടിനു ചുറ്റുമുള്ള പ്രദേശങ്ങളെ ഉള്‍പ്പെടുത്തി ഹാര്‍ഡി പുതിയൊരു
ദേശത്തെ സൃഷ്ടിച്ചു.സ്റ്റിന്‍സ്ഫോര്‍ഡിനെ മെല്‍സ്റ്റോക്ക് ആക്കി.ഡോര്‍ച്ചസ്റ്ററെ
കാസ്റ്റര്‍ ബ്രിഡ്ജ ആക്കി.ചുരുക്കത്തില്‍ ആ പ്രദേശം "റൂറല്‍ പെയിന്‍ റിംഗ് ഓഫ്
ഡച്ച് സ്കൂള്‍" (അണ്ടര്‍ ദ ഗ്രീവുഡ് ട്രീ എന്ന നോവലിന്‍റെ മറ്റൊരു പേര്‍ ആയി
ഈ പ്രയോഗം ഹാര്‍ഡി നല്‍കി) ആയി മാറി.