ബ്രിട്ടനില്‍ ഒരു കൊച്ചിന്ത്യ

 

ബ്രിട്ടനില്‍ ഒരു കൊച്ചിന്ത്യ

മദ്ധ്യ ഇംഗ്ലണ്ടിലെ ലസ്റ്റര്‍ നഗരം ഒരു കൊച്ചിന്ത്യയാണ്.
Leicester എന്നാണെഴുതുക.ലസ്റ്റര്‍ എന്നുച്ചരിക്കപ്പെടുന്നു.
2004 ല്‍ ജനസംഖ്യ 285,100. 441,213 പേര്‍ നഗരത്തിനു
വെളിയിലെ ഗ്രാമപ്രദേശത്തും.സോര്‍ നദിക്കരയിലെ ഈ
പട്ടണം യൂകെയില്‍ ജനസംഖ്യയില്‍ പത്താം സ്ഥാനത്തു
നിലകൊള്ളുന്നു.റോമന്‍ ഭരണകാലത്തു നദിയുടെ പേര്‍
ലെഗ്രോ എന്നായിരുന്നു.നദിയുടെ പേരില്‍ നിന്നും ലസ്റ്റര്‍
എന്ന പേരുണ്ടായി.

പത്തൊന്‍പതാം നൂറ്റാണ്ടില്‍ കനാലും റയിലും വന്നതിനാല്‍
ഈ നഗരം പെട്ടെന്നു വികാസം കൈവരിച്ചു.വസ്ത്രനിര്‍മ്മാണ
രംഗത്തും എഞ്ചിനീയറിംഗ് രങ്ങത്തും പ്രസിദ്ധമായി.രണ്ടാം
ലോകമഹായുദ്ധകാലത്ത് ഏറെഇന്ത്യാക്കാര്‍ ഇവിടെ കുടിയേറി.
ഹിന്ദു,സിക്ക്,മുസ്ലിം ജനസംഖ്യഇവിടെ കൂടി.എല്ലാവരുടേയും
ആരാധനാലയങ്ങള്‍ ഇവിടെയുണ്ട്.

ലസ്റ്റര്‍,ഡീ മോണ്ട്ഫോര്‍ട്ട്,ലബ്രോ എന്നിങ്ങനെ മൂന്നു
യൂണിവേര്‍സിറ്റികള്‍ ലസ്റ്ററിലുണ്ട്.
Belgrave, Aylestone, North Evington, Knighton , Stoneygate
എന്നിങ്ങനെ വിവിധ പ്രദേശങ്ങള്‍.1936 ല്‍ ബ്രിട്ടനിലെ ഏറ്റവും
സമ്പന്ന നഗരങ്ങളില്‍ രണ്ടാം സ്ഥാനമായിരുന്നു ലസ്റ്ററിന്.സഹകരണ
പ്രസ്ഥാനത്തിന് മുന്‍ തൂക്കം നല്‍കിയ നഗരം.40 % വിദേശികളാണിവിടെ.
പോളണ്ട്,അയര്‍ ലണ്ട്,ഇന്ത്യ(1960 മുതല്‍) ഉഗാണ്ട(1970),സോമാലിയ
(1990),യൂറോപ്യന്‍ യൂണിയന്‍( 2004) എന്നിവിടങ്ങളില്‍ നിന്നെല്ലാം
വിദേശികള്‍ ഇവിടെ കുടിയേറി.ചില ഭാഗങ്ങളില്‍ 70% ഇന്ത്യാക്കാര്‍.
2011 ല്‍ 50% വിദേശികളായിരിക്കും എന്നു കണക്കാക്കപ്പെടുന്നു.

70 ഭാഷകള്‍ സംസാരിക്കുന്നവര്‍ ഇവിടെ ജീവിക്കുന്നു.16% ഗുജറാത്തി
സംസാരിക്കുന്നു.പഞ്ചാബി,അറബി,ബംഗാളി,ചൈനീസ്,പോളീഷ്
എന്നിവയ്ക്കൊപ്പം മലയാളം സംസാരിക്കുന്നവരും. ആയുര്‍വേദ
വൈദ്യശാലയും കോട്ടയം(കൊല്ലം) അയ്യപ്പാസിന്‍റെ ശാഖയും ഇവിടുണ്ട്.

ശ്രീ ജലറാം പ്രാര്‍ഥനാ മണ്ഡല്‍ എന്ന ക്ഷേത്രം ഇവിടുണ്ട്.
നാഷണല്‍ സ്പേസ് സെന്‍റര്‍ ഇവിടെയാണ് സ്ഥിതി ചെയ്യുന്നത്.
സ്പേസ് സയന്‍സില്‍ ഇവിടെ കോര്‍സുണ്ട്,പ്രൈഡ് പരേഡ്
എന്ന കരീബിയന്‍ കാര്‍ണിവല്‍ ഇവിടെ വര്‍ഷം തോറും
അരങ്ങേറുന്നു.ഇന്ത്യയ്ക്കു വെളിയില്‍ നടത്തപ്പെടുന്ന ഏറ്റവും
വലിയ ദീപാവലി ആഘോഷം ലസ്റ്ററില്‍ ആണ്.
Leicester International Short Film Festival 1996 മുതല്‍
നടത്തപ്പെടുന്നു.നവംബറില്‍ ആണിത്.

ഗാന്ധി ഫിലിം വഴിനമുക്കു സുപരിചിതനായ
Richard Samuel Attenborough, Baron Attenborough, CBE ( 1923)
ലസ്റ്ററില്‍ പഠനം നടത്തിയ ആളാണ്. ബെല്‍ഗ്രേവില്‍ ഗാന്ധിപ്രതിമ
സ്ഥാപിക്കുന്നതിനെതിരായി പ്രാദേശികതലത്തില്‍ എതിര്‍പ്പുണ്ടായപ്പോള്‍
അതിനെതിരെ ശക്തിയായി മുന്നോട്ടുവന്നവരില്‍ ആറ്റന്‍ബറോയും പെടും.
നാട്ടുകാരന്‍ പ്രശസ്ത ഫുഡ്ബോള്‍ കളിക്കാരന്‍ ഗാരി ലിങ്കറുടെ പ്രതിമ
യാണ് സ്ഥാപിക്കേണ്ടത് എന്നായിരുന്നു ചിലരുടെ വാദം. ലിങ്കര്‍ അതിനെ
എതിര്‍ക്കയും ഗാന്ധി പ്രതിമയെ അനുകൂലിക്കയം ചെയ്തു.

5 അടി ഉയരത്തിലുള്ള സ്തൂപത്തില്‍ 7 അടിപൊക്കമുള്ള ഗാന്ധിപ്രതിമ
അനാവരണം ചെയ്യപ്പെട്ടത് 2009 ജൂണ്‍ ന്.

ലസ്റ്ററിലെ ഡപ്യൂട്ടി മേയര്‍
ലുധിയാനക്കാരിയായ
മന്‍ഞുള സൂദ് ആണ്.
ലാറ്റിമര്‍ വാര്‍ഡിലില്‍ നിന്നു വിജയിച്ചു.